Эрдэмтэд эрх зүйн зорилгын талаар олон бүтээл туурвиж, янз бүрийн дүгнэлтэд хүрчээ.
Хууль дээдлэх явдал нь нэг талаас, тэгш байдал, хариуцлагыг чухалчилна, нөгөө талаас төр оршин тогтнох боломжийг бүрдүүлнэ. Хууль сахиулах нь төрийн нэг үүрэг юм. Эндээс, хуулийн зорилго болон эрх зүйн зорилго огтлолцдог гэсэн дүгнэлтэд хүрнэ.
Нөгөөтээгүүр, философичид эрх зүй болон ёс суртахууны харилцан хамаарлын талаар ялгаатай үзэл бодолтой байдаг. Зарим нь хяналтыг хадгалахын тулд засгийн хүчирхэг тогтолцоог бий болгох хэрэгтэй гэж үздэг бол, бусад нь тогтолцоо хүнийг эвддэг хэмээн мэтгэлцдэг байна. Аль ч тохиолдолд эрх зүй байх нь гарцаагүй бололтой.
Эрх зүйн удаах зорилго нь нийгмийн бодлогыг хэрэгжүүлэгч болдогт оршино. Нийгмийн харилцааг зохицуулж буй чиглэлээр нь ангилдаг бөгөөд тухайлбал, иргэний эрх зүй нь хүн, эсвэл бүлэг хоорондын дүрмийг зохицуулах зорилготой бол, эрүүгийн эрх зүй нь гэмт хэрэг үйлдсэн этгээдэд хариуцлага хүлээлгэх зорилготой аж.
Дүгнэвэл, эрх зүй болон түүнийг хэрэгжүүлэгч хууль тогтоомж нь төр, байгууллага, хувь хүн гээд нийгмийн нэгж бүрийн үйл ажиллагааны салшгүй хэсэг бөгөөд хуулийг хэрэгжүүлэх нь эмх цэгцтэй хамтаар орших үндсэн нөхцөл болно.
Ж.Танан
#LawyerBirdie #ХуульчШувуухай #ЭрхЗүйнБлог #ЭрхЗүй #ЭрхЗүйнОнол #Эссэ #ХуульДээдлэх #ТэгшБайдал #Хариуцлага #ИргэнийЭрхЗүй #ЭрүүгийнЭрхЗүй #ЁсСуртахуун #ХуульСахиулах #Засаглал #ЭрхЗүйТогтолцоо #НийгмийнХарилцаа #ЭрхЗүйнЗорилго #ХуульТогтоомж #ГэмтХэрэг #ХуулийнҮүрэг #ХуульХэрэгжүүлэх #ЭрхЗүйнФилософи #ТөрийнҮүрэг #ЁсСуртахуун #НийгмийнЗохицуулалт #ХариуцлагынМеханизм #ХуульЁсныБайдал #ХүнийЭрх #ЭрхЗүйнҮндэс #НийгмийнХарилцаа #ЭвНэгдэл #ЭрхЗүйнХамрахХүрээ
.