Бид хууль, эрх зүйн янз бүрийн сэдвээр мэдлэг, ойлголтоо өргөжүүлэх, хуваалцах, хамтын сэтгэлгээг хөгжүүлэх хүсэл эрмэлзэлдээ хөтлөгдөн блог хөтлөх аяллаа эхлүүлсэн.
Бид хуулийн боловсрол эзэмшиж буй, эрх зүй сонирхож буй бүх хүмүүст ашиг тустай байх үүднээс цогц, хүртээмжтэй мэдээллийн сан бүрдүүлж, баяжуулна.
Бид мэдээллийн сангаар дамжуулан хууль зүйн шинжлэх ухааны зайлшгүй сурах суурь мэдлэгийг авч, эрх зүйн үндсэн ойлголтуудын талаар илүү гүнзгий ойлголттой болоод зогсохгүй өөрсдийн ахиц дэвшлийг харж, алдаа оноогоо дүгнэж, улам ихийг сурч мэднэ.
Бид аль болох мэдээлэл сайтай, сонирхолтой, хамааралтай, ач холбогдолтой, чанартай контент нийтэлж, бие биедээ болон бусдад сурч мэдэх урам зориг өгч, цаашид эрдэм шинжилгээний ажилд амжилт гаргахад шаардлагатай арга барил, ур чадвар эзэмшиж, өсөж дэвших болно.
Бид уламжлалт хил хязгаараас давж, тогтсон сэтгэлгээг эвдэж, мэдлэгийг зөвхөн хуваалцдаг төдийгүй хамтын хөгжлийн талбар бүтээж, түүгээрээ дамжуулан орон зай, цаг хугацаанаас үл хамааран туршлагаа хуваалцаж, санаа бодлоо солилцож, харилцан яриа өрнүүлж, сэтгэгдэл үлдээж, зөвлөмж зөвлөгөө өгч, тасралтгүй шинийг эрэлхийлнэ.
